PSJ-nin keçmiş hücumçusu, hazırda “Əl-Hilal”da çıxış edən Neymar Səudiyyə Ərəbistanı çempionatının səviyyəsi haqqında danışıb.
QOL.az CNN-ə istinadən xəbər verir ki, o, Səudiyyə Ərəbistanı liqasının Fransa Liqa 1-in səviyyəsindən yüksək olduğunu bildirib:
“Səudiyyə Ərəbistanı çempionatının səviyyəsi artır. Mənim gördüyüm budur ki, bizim çempionatın səviyyəsi Liqa 1-dən yüksəkdir. Fransa çempionatının müsbət tərəfləri var. Mən bunu yaxşı bilirəm. Çünki orada oynamışam. Lakin bu gün Səudiyyə Ərəbistanı Pro Liqasının oyunçuları daha güclüdür.
Səudiyyə Ərəbistanı məni müsbət mənada təəccübləndirdi. İnsanlar, şəhərlər, mədəniyyət... Bu ölkə 2034-cü il dünya çempionatına da ev sahibliyi edəcək. Mənim fikrimcə, heyrətamiz olacaq”.
Qeyd edək ki, daha əvvəl "Əl-Nəsr"in hücumçusu Kriştiano Ronaldo Səudiyyə Ərəbistanı çempionatının Liqa 1-dən üstün olduğunu demişdi.
