Fins.az, PASHA Life sığorta şirlətindən daxil olan məlumata istinadən xəbər verir ki, Kredit götürmək ciddi maliyyə qərarlarından biridir və düzgün planlaşdırılmadıqda gələcəkdə maliyyə çətinliklərinə səbəb ola bilər. Bu qərarı verərkən diqqətli olmaq və hərtərəfli təhlil aparmaq vacibdir. Aşağıda kredit götürərkən diqqət etməli olduğumuz əsas məqamları sizin üçün izah edirik:
1. Maliyyə Vəziyyətinizi Dəqiq Təhlil Edin!
Kredit götürmədən öncə öz maliyyə vəziyyətinizi obyektiv şəkildə təhlil etməyiniz vacibdir. Gəlir və xərclərinizi nəzərdən keçirin, mövcud borclarınızı, məcburi ödənişlərinizi də bu təhlilə daxil edin. Əgər borcunuzu ödəyə bilməyəcəyiniz vəziyyət yaranarsa, bu, ciddi maliyyə çətinliklərinə və hətta kredit borcunun gecikdirilməsinə gətirib çıxara bilər. Aylıq gəlirinizin sabit olub-olmadığını və qəfil xərclərə qarşı nə qədər dayanıqlı olduğunuzu yaxşıca düşünün.
2. Müxtəlif Kredit Şərtlərini Müqayisə Edin!
Bazar araşdırması aparmaq və müxtəlif kredit təkliflərini müqayisə etmək önəmlidir. Faiz dərəcələri, ödəniş müddətləri və əlavə xərclər baxımından fərqli bankların təkliflərini gözdən keçirin. Daha aşağı faiz dərəcələri və daha uzun ödəniş müddəti, ilkin olaraq, daha rahat görünsə də, uzunmüddətli baxımdan ümumi ödənişləri artıra bilər. Şərtləri dərindən başa düşmək və doğru seçim etmək gələcək maliyyə yükünüzü yüngülləşdirə bilər.
3. Kredit Həyat Sığortası əldə edin!
Gözlənilməz hadisələr qarşısında özünüzü və ailənizi maliyyə cəhətdən qorumaq üçün "Kredit Həyat Sığortası" əldə etmək mühüm bir addımdır. Bu məhsul ölüm və ya əmək qabiliyyətini itirmə kimi hallarda, kredit borcunuzun ödənilməsini təmin edir. "Kredit Həyat Sığortası" məhsulu ailənizin maliyyə yükünü yüngülləşdirərək, onları borcunuzu ödəmək məcburiyyətindən qoruyur. Kredit müddətində gözlənilməz hadisələrə qarşı bu cür sığorta məhsulundan istifadə edərək, ailənizi maliyyə çətinliyindən qoruya bilərsiniz.
"Kredit Həyat Sığortası" ilə bağlı ətraflı məlumatı buradan əldə edə bilərsiniz: //pasha-life.az/products/kredit-h-yat-sigortasi/
Zemfira Ms
Fins.az
