Kremlin mətbuat katibi Dmitri Peskov Aktauda baş verən təyyarə qəzasından danışıb.
Modern.az-ın məlumatına görə, o, jurnalistlərin suallarını cavablandıran zamanı bildirib ki, istintaqın yekunlarına qədər Aktau yaxınlığında təyyarə qəzasının səbəbləri ilə bağlı hər hansı fərziyyə irəli sürmək düzgün olmaz.
Peskov qəza ilə bağlı istintaqın sonuna qədər gözləməyi tövsiyə edib.
Qeyd edək ki, "Azərbaycan Hava Yolları" (AZAL) aviaşirkətinin Aktauda qəzaya uğrayan təyyarənin göyərtədə 62 sərnişin, 5 ekipaj üzvü olmaqla, ümumilikdə 67 nəfər olub.
