Dünyanın ən varlı adamı İlon Mask sosial şəbəkələrdə prezident Co Bayden və prezidentliyə namizəd Kamala Harris haqqında yazdığı paylaşımlara görə problemlə üzləşib.
“AzPolitika” xarici KİV-ə istinadla xəbər verir ki, Trampa qarşı sui-qəsd cəhdlərindən sonra tənqid hədəfinə çevrilən ABŞ-nin məxfi xidmət orqanının Maskla bağlı araşdırma başlatdığı bildirilib.
Qeyd edək ki, Mask keçmiş ABŞ prezidenti Trampa qarşı ikinci sui-qəsd cəhdindən sonra sahibi olduğu “X” sosial media platformasında “Heç kim Baydenə/Kamalaya sui-qəsd etməyə belə cəhd etmir” şəklində paylaşım etmiş, qısa zaman sonra isə bu paylaşımı silərək bunun bir zarafat olduğunu bildirmişdi.
“AzPolitika.info”
