Almaniya Federal Kriminal Polis İdarəsi (BKA) İsrailin Almaniya və digər ölkələrdəki diplomatik nümayəndəliklərinə mümkün hücumlar barədə xəbərdarlıq edib...
Poliqon xəbər verir ki, təhdidlər HƏMAS radikal qruplaşmasından gəlir və onun "Telegram" messencerindəki kanalında dərc edilib.
Bəyanatlarda İsrail onu dəstəkləyən dövlətlərdəki səfirliklərinin mühasirəyə alınması tələb olunur.
HƏMAS mesajlarında qeyd edir ki, bu hərəkətlər İsrailin Qəzza zolağında apardığı hərbi əməliyyata, eləcə də Amerika, Britaniya və Almaniyanın işğala dəstəyinə qarşı yönəlib. BKA qeyd edib ki, Almaniya səfirliklərinin adı birbaşa çəkilməsə də, Almaniyanın adı İsraili dəstəkləyən ölkələr sırasındadır.
Oktyabrın sonundan etibarən sosial şəbəkələrdə müvafiq heşteqlərdən istifadə etməklə bu cür çağırışlar aktiv şəkildə yayılır. Dərhal təhlükə barədə konkret məlumatın olmamasına baxmayaraq, BKA səfirliklərə hücumların mümkünlüyünə inanır.
Bundan əvvəl, oktyabrın sonunda polis İsrailin Berlindəki səfirliyinə hücumun qarşısını alıb. İŞİD terror təşkilatı ilə əlaqədə olan 28 yaşlı Liviya vətəndaşı şübhəli bilinən şəxs Bernau şəhərində saxlanılıb. Ona qarşı ittiham irəli sürülüb və həbsdədir.
Poliqon.info
