1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Belarusun paytaxtı Minsk şəhərində "Zeyd" Döyüş Mərkəzinin (ZDM) təşkilatçılığı və MFP-nin vitse-prezidenti Denis Xankanorakın təşəbbüsü ilə təşkil edilən MFP-nin 257-ci beynəlxalq turniri keçirilib. Bu nüfuzlu yarışda müxtəlif ölkələrdən olan idmançılar çempionluq kəməri uğrunda mübarizə aparıblar.
Oxu.Az xəbər verir ki, mükafatlandırmanı ZDM-in MDB ölkələri üzrə vitse-prezidenti, beynəlxalq dərəcəli cüdo ustası, sambo üzrə dünya çempionatı mükafatçısı Emil Məhərrəmov və olimpiya oyunlarının çempionu, dünya çempionu, ikiqat Avropa çempionu, Rusiyanın Əməkdar idman ustası, 91 kq-dan yuxarı çəki dərəcəsində I Avropa Oyunlarının çempionu, peşəkar döyüşçü kimi ikiqat dünya çempionu tituluna namizəd olmuş Aleksandr Povetkin ediblər. Həmçinin, tədbirdə Azərbaycanın Belarusdakı səfirinin müşaviri Mahir Hacıyev və MMA üzrə peşəkar döyüşçü, Rusiya Universal Döyüş Federasiyasının prezidenti Sergey Xaritonov da fəxri qonaq qismində iştirak ediblər.
