İsrailə aid qırıcı təyyarələr Suriyanın Lazkiyə və Tartus vilayətlərində çoxsaylı hərbi nöqtələrə hava hücumları həyata keçirib.
Təyyarə müşahidə mərkəzindən əldə edilən məlumata görə, İsrailə məxsus qırıcı təyyarələr ölkənin qərbində yerləşən Lazkiyə və Tartusda 32-ci Hava Hücumundan Müdafiə Alayı, 107-ci Hərbi Qərargah, həmçinin Hıreysun, Harab, Mıserhin və Ballutiyyə kəndlərindəki hərbi qərargahlara və sursat anbarlarına hücumlar təşkil edib.
Tartusda yerləşən Hıreysun kəndinə edilən hücumda güclü partlayışlar baş verib.
İsrail 8 dekabr 2024 tarixində Bəəs rejiminin devrilməsindən sonra Suriyada hərbi imkanları məhv etmək məqsədilə yüzlərlə hava hücumu həyata keçirib.
