1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiya gəmisi balıq tutmaq üzrə yeni dünya rekordu müəyyənləşdirib.
Oxu.Az "Rossiyskaya qazeta"ya istinadən xəbər verir ki, "Tralflot" şirkətinə məxsus "Peter I" balıq ovu gəmisi 2024-cü ildə 93,5 min ton balıq tutaraq mövsümü başa vurub.
Müvafiq məlumatı Ümumrusiya Balıqçılıq Müəssisələri, Sahibkarlar və İxracatçılar Assosiasiyası yayıb.
Məlumata görə, əvvəlki rekord olan 90 min ton da elə bu gəmiyə məxsus idi. Balıqçılıq 307 gün ərzində baş verib: Birinci səfər yanvarın 8-dən iyunun 1-dək, ikincisi isə iyulun 2-dən dekabrın 20-dək davam edib. Traulerin ekipajına 130 nəfər daxildir.
