Ötən gün Bakı-Qroznı marşrutu üzrə uçan “Embraer 190” sərnişin təyyarəsi Aktaunun hava limanından 3 km məsafədə qəzaya uğrayıb. Baş vermiş təyyarə qəzasında iki Qusar sakininin də öldüyü məlum olub. Bizim.Media-nın əməkdaşı rayonun Suduroba kənd sakinləri, bacı-qardaş, 22 yaşlı Əli Mirzəbəy oğlu və 19 yaşlı Xədicə Mirzəbəy qızı Əlimirzəyevlərin yaşadığı evdə olub.
Qəzada həyatını itirən bacı-qardaş kənddə tək yaşayırmış. Onların valideynləri də illər əvvəl dünyalarını dəyişib.
Qeyd edək ki, Qusar rayon Suduroba kənd icra nümayəndəsi Ənvər Balabəyov bacı-qardaşın ölümü barədə məlumatı qəzada həyatını itirənlərlə bağlı siyahıda öyrənib.
