"ABŞ-ın keçmiş prezidenti Donald Tramp qarşıdan gələn prezident seçkilərində qalib gələrsə, Ukraynadakı münaqişəni Rusiya Federasiyasına güzəştlər yolu ilə həll etməyə cəhd edə bilər".
HİT.az xəbər verir ki, bunu Amerika Konqresinin aşağı palatasının nəzarət komitəsinin həmsədri Ceymi Raskin deyib.
Siyasətçi Çikaqoda keçirilən Demokratlar Partiyasının qurultayı çərçivəsində jurnalistlərlə danışıb. Söhbət zamanı müxbirlər ondan Ağ Evin keçmiş sahibinin hərbi əməliyyatları dayandırmaq üçün Kremlə güzəştə gedə biləcəyini soruşublar.
"Şübhəsiz ki, bu baş verəcək", deyə Raskin cavab verib.
Onun dediyi kimi, keçmiş dövlət başçısının müttəfiqi və Respublikaçılar Partiyasından ölkənin vitse-prezidentliyinə namizəd olan Cey Di Vens artıq Ukrayna rəhbərliyinə bir qəpik də verməyəcəyinə söz verib. Millət vəkilinin sözlərinə görə, o, bütün seçki bülleteni ilə bağlı fikirlərini çatdırır.
Raskin onu da qeyd edib ki, Tramp bütün dünyada avtokratları fəal şəkildə təqlid edir. O, xüsusilə Rusiya prezidenti Vladimir Putini və Macarıstanın baş naziri Viktor Orbanı belə siyasətçilər sırasına daxil edib.
Samir
