Qazaxıstanın Aktau şəhərində AZAL təyyarəsinin qəzaya uğraması nəticəsində həlak olanlardan biri də Ramin Ağayevdir.
Bizim.Media xəbər verir ki, Rusiya vətəndaşı olan 28 yaşlı Ramin Moskvada yaşayırdı və Ural Hava Yollarının bələdçisi idi.
Dekabrın 24-də Ramin altı yaşlı qardaşı oğlunu Yeni ili birlikdə qeyd etsin deyə Bakıya nənəsinin yanına aparıb. Ötən gün o, Qroznıya transfer reyslə Bakıdan Moskvaya yola düşüb.
İki ildir bələdçi kimi fəaliyyət göstərən oğlan dekabrın 26-da işə qayıtmalı və təyyarə reysinə çıxmalı idi.
Məlumat üçün bildirək ki, Ramin musiqi həvəskarı olub və mahnılarını sosial şəbəkələrdə yayımlayıb. O, əvvəllər jurnalist təhsili alıb, sonra təyyarə bələdçisi kimi işə düzəlib.
Xatırladaq ki, ötən gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Aktau şəhərində qəzaya uğrayan Bakı-Qroznı reysini yerinə yetirən “Embraer 190” təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub. Son məlumata görə, qəza nəticəsində 26 vətəndaşımız həyatını itirib, 16 Azərbaycan vətəndaşı isə sağ qalıb.
Bizim.Media
