“Milan” komandaya rəhbərlik etmək üçün Mauritsio Sarriyə ağız açıb, lakin “Napoli”, “Çelsi” və “Yuventus”un keçmiş baş məşqçisi “rossonyerlər”in təklifini rədd edib.
Publika.az xəbər verir ki, dekabrın 30-da “Milan” Paulo Fonsekanı istefaya göndərib və onun yerinə Serxio Konseysaonu təyin edib. “Il Corriere dello Sport”un məlumatına görə, dekabrın 24-də “Milan”ın rəhbərləri Sarriyə əməkdaşlığın 2025/26 mövsümü üçün uzadılması imkanı ilə altı aylıq müqavilə təklif etsələr də, mütəxəssis daha uzun müqaviləyə ümid edib və bu təklifi rədd edib.
Bundan sonra milanlılar Konseysaonun namizədliyi ilə kifayətlənib.
