1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Ən-Nəsr"in hücumçusu Kriştianu Ronaldu klubunu dəyişmək fikrinə düşüb.
Oxu.Az "Talk Sport"a istinadən xəbər verir ki, portuqaliyalı ulduz azad agent kimi Səudiyyə Ərəbistanının başqa komandasına - "Əl-Hilal"a keçə bilər. Onun hazırkı klubu "Ən-Nəsr"lə müqaviləsinin müddəti 2025-ci ilin yayında başa çatır.
Vurğulanıb ki, forvard bunu əzəli rəqibi, "İnter Mayami"də çıxış edən Lionel Messi ilə son görüş üçün edə bilər. Ronaldu bu addımı atmaqla yayda argentinalının da qatılacağı klublararası dünya çempionatında iştirak edə biləcək.
"Əl-Hilal" qrup mərhələsində Ronaldunun keçmiş komandası "Real Madrid"lə qarşılaşmasının mümkünlüyü də qeyd olunub.
