ABŞ həbsxanasındakı 73 yaşlı qatili edam edə bilmirlər

Aydaho İslahlar Departamenti bildirib ki, qatil Tomas Krikin edamı ölümcül inyeksiya ilə bağlı problemlərə görə dayandırılıb. Bizimyol.info xəbər verir ki, çərşənbə günü idarənin saytında dərc edilmiş bəyanatda qeyd edilib ki, həkimlər 73 yaşlı cinayətkara ölümcül iynə vura bilməyiblər və bu səbəbdən edam təxirə salınmalı olub. Cəzaların İcrası İdarəsi yaxın günlərdə “növbəti addımlar” barədə qərar verəcək. Amerika mediası Kriki serial qatil adlandırır. O, bir neçə qətlə görə 50 ilə yaxındır ki, həbsdədir. Onun ilkin ölüm hökmü ömürlük həbs cəzası ilə əvəz olunub, lakin Krik daha sonra kamera yoldaşını öldürdüyünə görə yenidən ölümə məhkum edilib. ABŞ ölüm hökmündən istifadə edən azsaylı inkişaf etmiş ölkələrdən biridir. Statistika aparan Amerikanın "Deathpenaltyinfo.org" portalının məlumatına görə, 1976-cı ildə ABŞ belə ölüm cəzasını bərpa etdikdən sonra  yanvarın 3-dək ölkədə 1582 nəfər edam edilib, əksər hallarda (1402) iynə vurularaq, ən az asmağa və güllələnmə təcrübəsi icra olunub (hər biri 3 halda). 2023-cü ildə 24 edam icra edilib, ölüm hökmlərinin maksimum sayı 1999-cu ildə (98) icra edilib. 1973-cü ildən indiyədək edam cəzasına məhkum edilmiş 196 nəfərin işinə baxılıb və bəraət alıb. "Gallup"un 2023-cü ilin oktyabrında apardığı son sorğuya görə, ABŞ-da ölüm hökmünü dəstəkləyənlərin sayı getdikcə azalır. Belə ki, amerikalıların 53%-i bunun məhkum edilmiş qatil üçün məqbul olduğuna inanır. 2022-ci ildə respondentlərin 55%-i, 1994-cü ildə isə 80%-i bu fikirdə olub. 2000-ci ildən bəri ilk dəfə amerikalıların 50%-i ölüm hökmlərinin ədalətsiz çıxarıldığına inanır. Respondentlərin 39%-i edamdan kifayət qədər tez-tez istifadə olunmadığını, 28%-i isə kifayət qədər tez-tez istifadə olunduğunu bildirib. Qadir, Bizimyol.info