"Mançester Siti"nin futbolçusu Kelvin Fillips komandanı tərk etməyi planlaşdırır.
Sportinfo.az xəbər verir ki, 27 yaşlı yarımmüdafiəçi oynamaq şansı az qazandığından "şəhərlilər"in heyətində qalmaq istəmir.
Onun xidmətində maraqlı olan klublar var. Üstəlik, Fillips İngiltərə millisinin heyətində Avropa çempionatında oynamaq üçün daha çox meydanda olacağı komandada çıxış etməyə üstünlük verəcək.
Yarımmüdafiəçi ötən ilin yayında “Lids”dən "Mançester Siti"yə keçmişdi.
