“Financial Times”dan diqqətçəkən İDDİA: “Türkiyədən Rusiyaya hərbi materialların satışı artıb”

Rusiya ilə Ukrayna arasında müharibə davam edərkən, İngiltərənin “Financial Times” qəzetindən diqqətçəkən bir iddia gəlib.Gununsesi.info xəbər verir ki, qəzet Türkiyədən Rusiyaya hərbi əlaqələri olan materialların satışının artdığını yazıb. Qəzet yazır ki, “Qadağan olunmuş hissələrin tədarükünün artması Qərbin Türkiyə şirkətlərinin Moskvanın kanalı olduğuna dair şübhələrini artırır. Türkiyənin Rusiyaya Moskvanın döyüş maşını üçün həyati əhəmiyyət kəsb edən mal ixracı bu il artıb və bu, ABŞ və müttəfiqləri arasında Türkiyənin öz istehsalçılarının həssas məhsulları üçün kanal rolunu oynaması ilə bağlı narahatlığı artırıb. “Ticarətin artması və nəticədə Rusiya ordusunun istifadə etdiyi 45 mülki materialın Türkiyəyə idxalının artması ABŞ və Avropanın Moskvanın silahlı qüvvələrini təchiz etmə qabiliyyətinə mane olmaq cəhdlərini sarsıtdı və Ankara ilə NATO tərəfdaşları arasında gərginliyi artırdı”, – deyə qəzet yazır.“Financial Times” xatırladıb ki, ABŞ Maliyyə Nazirliyinin terrorizm və maliyyə kəşfiyyatı üzrə müşaviri Brayan Nelsona bu həftə Türkiyəyə gələcək, İstanbul və Ankaraya səfər edəcək. Qəzet bu məsələnin Vaşinqton üçün prioritet olduğunu və bu səfərin də bunu təsdiqlədiyini bildirib.“Bu ticarətin qarşısının Vaşinqtonda necə prioritet halına gəldiyinə işarə olaraq, ABŞ Maliyyə Nazirliyinin terrorizm və maliyyə kəşfiyyatı üzrə müşaviri Brayan Nelson bu həftə İstanbul və Ankaraya səfər edəcək. O, Rusiyanın Ukraynaya qarşı müharibəsində fayda verən kommersiya və maliyyə fəaliyyətlərinin qarşısının alınması, pozulması və araşdırılması səylərini müzakirə edəcək”, – “Financial Times” yazır.2023-cü ilin ilk doqquz ayında Türkiyə ABŞ-ın Rusiyaya və Moskva üçün vasitəçilik etməkdə şübhəli bilinən 5 keçmiş Sovet ölkəsinə “yüksək prioritet” kimi göstərdiyi 45 məhsulun 158 milyon dollar ixrac etdiyini bildirib. Bu rəqəm Ukraynada müharibənin başladığı 2022-ci ilin eyni dövründə qeydə alınan səviyyədən üç dəfə çoxdur.“Financial Times”ın “Trade Data Monitor” gömrük bazasından əldə etdiyi məlumatlara əsaslanan təhlilinə görə, 2015-21-ci illər arasında orta rəqəm 28 milyon dollar olub. Mikroçiplər, rabitə avadanlığı və teleskopik nişangahlar kimi hissələrin daxil olduğu 45 kateqoriyalı mallar Rusiyaya daxil olmasının qarşısını almaq məqsədi ilə ABŞ, Aİ, Yaponiya və Böyük Britaniyanın ixrac nəzarətinə tabedir. Bununla belə, son təyinat yerini gizlətmək üçün vasitəçi strukturlardan istifadə edən şirkətlər tərəfindən bu nəzarətdən yayına bilər.Qəzet “Türkiyənin G7 ölkələrindən yüksək prioritetli mal idxalı bu il 2015-2021-ci illərin eyni dövrləri ilə müqayisədə 60%-dən çox artaraq təxminən 500 milyon dollara çatıb” ifadəsini işlədib.Rusiyaya qarşı sanksiyalara nəzarət edən Avropa rəsmisi “Financial Times”a deyib: “Türkiyə Birləşmiş Ərəb Əmirlikləri ilə birlikdə, nəzarətdən yan keçmək üçün çoxmərhələli idxal marşrutlarından istifadə etmək istəyən Rusiya qurumları üçün tez-tez vasitəçi təyinat yeri kimi çıxış edir. Türkiyə xüsusilə Avropa mallarının tədarükü üçün istifadə olunurdu”.Gununsesi.info