Azərbaycan-Ermənistan sərhədində güclü zəlzələ baş verib.
Xezerxeber.az-ın məlumatına görə, Respublika Seysmoloji Xidmət Mərkəzinin Zəlzələlərin Tədqiqatı Bürosundan bildirilib ki, yerli vaxtla saat 03:01-də qeydə alınan birinci yeraltı təkanın maqnitudası 4,8 olub. Zəlzələ ocağı 9 kilometr dərinlikdə yerləşib. Zəlzələ episentrdə 4 bal gücündə hiss olunub.
Mərkəzin direktoru Qurban Yetirmişli bilidirb ki, zəlzələlərdən sonra təkanlar olub. Yerli vaxtla saat 03:03-də yerin 10 kilometr dərinliyində maqnitudası 3 olan növbəti zəlzələ baş verib. Zəlzələ hiss olunmayıb. Daha sonra saat 03:07-də 12 kilometr dərinlikdə maqnitudası 3,8 olan üçüncü zəlzələ olub. Zəlzələ episentrdə 4 bala qədər hiss olunub.
Qeyd edək ki, Fövqəladə Hallar Nazirliyi Azərbaycan-Ermənistan sərhədində baş verən zəlzələlər barədə məlumat yayıb. Bildirilib ki, Azərbaycan-Ermənistan sərhədində ard-arda 4.8, 3 və 3.8 maqnituda olan zəlzələlər nəticəsində ölkə ərazisində hər hansı dağıntı və ya insan xəsarəti barədə nazirliyə məlumat daxil olmayıb.
Xezerxeber.az mövzu ilə bağlı daha ətraflı videomaterialı təqdim edir.
