Tanınmış jurnalist Edu Aqirre argentinalı ulduz hücumçu Lionel Messinin “FIFA The Best” təqdimatına salınmasını tənqid edib.
Arena.az “El Chiringuito” dərgisinə istinadən məlumat verir ki, Aqirre öz mövqeyini əsaslandırıb:
“Biz Messiyə 2022-ci ildə Dünya Kubokunu qazandığına görə layiq olduğu haqqı veririk, amma bu, ayıb, biabırçılıqdır. Bu, futbolu izləyən insanlara qarşı hörmətsizlikdir. Lautaro Martines Amerika Kubokunu qazanıb, o, Argentina yığmasının ən yaxşısı idi, amma siyahıda deyil”, deyə Aqirre bildirib.
Xatırladaq ki, Lioenel Messi FIFA-dan 2024-cü ilin ən yaxşı oyunçusu adına – “FIFA The Best” mükafatına 11 namizəd arasındadır. Əlavə edək ki, namizədlərin təqdimatı onların 2023-cü ilin avqust ayının 21-dən 2024-cü ilin avqust ayının 10-na qədər müddətdəki çıxışları əsasında müəyyənləşdirilib.
Lionel Messi 2023-cü ilin yayından MLS təmsilçisi “İnter Mayami”nin heyətində çıxış edir. Argentinalı ulduz amerikan klubuna PSJ-dən azad agent qismində qoşulub. “Leo”nun “İnter Mayami” ilə müddəti 2025-ci ilin dekabr ayının sonuna qədər qüvvədə olacaq müqaviləsi var.
Argentinalı ulduz cari mövsümdə “İnter Mayami”nin heyətində bütün yarışlarda 25 oyuna çıxıb, 23 qol vurub və 13 məhsuldar ötürmə verib.
Təcrübəli ulduzun “İnter Mayami” karyerası ümumilikdə 39 oyun, 34 qol və 18 məhsuldar ötürmədən ibarətdir. Messi “vağlar”ın tarixinin ən sərrast qoçusudur.
Ulduz hücumçu ötən il Mayami təmsilçisi ilə Liqalar kubokunu qazanıb. Bu mövsümdə isə Messi “İnter Mayami”nin heyətində MLS-in Şərq Konfransının qalibi olub. Müvafiq qənimət “Leo”nun futbolçu karyerası ərzində qazandığı 46-cı qənimətdir. Əlavə edək ki, Messi futbol tarixində ən çox qənimət qazanmış oyunçudur.
“Leo” hazırda kapitanı olduğu Argentina yığmasında 2005-ci il avqustun 17-də debüt edib. Ulduz hücumçu yığmada 191 oyun keçirib, 112 qol vurub və 61 məhsuldar ötürmə verib. Bu göstəricilər üzrə “Leo” yığmanın mütləq rekordçusudur.
“Leo”nun qənimətlər muzeyində müxtəlif fərdi mükafatlar, həmçinin 8 “Qızıl top”u var.
