Ukraynanın “Lukoyl”a sanksiyalarından sonra - bu ilin iyul ayından etibarən onun Slovakiya və Macarıstandakı neft emalı zavodlarına tədarüklərini “Tatneft” yerinə yetirir.
Musavat.com xəbər verir ki, bu məlumatı Rusiya Xarici İşlər Nazirliyinin sözçüsü Mariya Zaxarova açıqlayıb.
Zaxarova bildirib ki, Avropa Komissiyası Ukraynanın “Lukoyl”un ölkə ərazisi ilə Macarıstan və Slovakiyaya neft nəqlini dayandırmaq qərarını dəyişmək üçün addımlar atmayıb:
“Rusiya ixracatçıları bu vəziyyətdə Budapeşt və Bratislavaya kömək etməli oldular. Artıq iyul ayında “Tatneft” şirkəti Slovakiya və Macarıstandakı neft emalı zavodlarına xammal tədarükünü kəskin şəkildə artıraraq, ölkənin cənub filialı vasitəsilə hər bir ölkəyə təxminən 330 min ton neft göndərdi”.
Avropa Komissiyasının rəhbəri Ursula fon der Leyenin enerji sektorunda Rusiya ilə əməkdaşlığı pozmağın Aİ üçün faydaları ilə bağlı bəyanatını şərh edən Zaxarova vurğulayıb ki, AK “Avropa İttifaqının etibarlı və danışıq apara bilən tərəfdaş kimi reputasiyasını məhv edir”.
Musavat.com
