Saatlıda ağır qəza baş verib - YARALILAR var
"Report"un Aran bürosunun məlumatına görə, Saatlı rayonunda yük maşını minik avtomobili ilə toqquşub.
hadisə rayonun Əlisoltanlı kəndi qeydə alınıb.
Belə ki, "Mercedes-Benz" markalı qoşqulu yük maşını ilə VAZ-2109 minik avtomobili toqquşub, nəticədə hər iki nəqliyyat vasitəsi yolun kənarına aşıb.
Hadisə zamanı Saatlı rayon sakinləri, 1961-ci il təvəllüdlü Xaqani Firudin oğlu Nuriyev və 1991-ci il təvəllüdlü Şamxal Münasib oğlu İmanquliyev müxtəlif dərəcəli xəsarətlər alıblar.
Hər iki şəxs Saatlı Rayon Mərkəzi Xəstəxanasına yerləşdirilib. Faktla bağlı araşdırma aparılır.
Mənbə: oxu.az
