Norveçdən Hollandiyaya uçan sərnişin təyyarəsi təcili eniş zamanı uçuş-enmə zolağından çıxıb.
Sfera.az bildirir ki, təyyarədə olan 176 sərnişin və 6 ekipaj üzvünün xəsarət almadığı vurğulanıb.
“Royal Dutch Airline KLM”dən verilən açıqlamaya görə, təyyarə Oslo hava limanından Amsterdama qalxarkən Sandefjord hava limanına yönləndirilib.
Təcili eniş zamanı “Boeing 737-800” tipli təyyarə uçuş-enmə zolağından çıxaraq sürüşərək ot örtüyünə düşüb.
Hadisə ilə bağlı araşdırma aparıldığı bildirilib. Norveç mətbuatında çıxan xəbərlərə görə, təyyarə hidravlik sistemindəki nasazlıq səbəbindən təcili eniş edib.
Günay
