"Ukraynanın tərəfdaşlarında Rusiya ərazisinə Qərb silahları ilə zərbələr endirilməsi ilə bağlı az qala iflicedici qorxu mövcuddur..."
ABŞ İsraildə cəsarətli, Ukraynada ehtiyatlıdır, çünki Rusiyanın nüvə silahı var, İranın isə yoxdur.
Moderator.az xəbər verir ki, bu barədə "Politico" nəşri amerikalı məmurlara istinadən məlumat verib.
"Ukraynalılara bunu eşitmək, ola bilsin ki, xoşagəlməz olacaq, amma doğru cavab təəssüf ki, ondan ibarətdir ki, biz İsrail üzərində İran raketlərini Tehranla nüvə müharibəsinə gətirə biləcək birbaşa müharibəyə təhrik etmədən vurmağa risk edə bilərik. Amma bunu Rusiya ilə etmək dəfələrlə risklidir", - bunu ABŞ Senatının baş köməkçisi deyib.
Anonimlik şərtilə Ağ Evin iki məmuru da eyni səbəbi göstərib. Qeyd edilir ki, amerikalıları Ukrayna üzərində raketlərin vurulması üçün göndərmək iki aparıcı nüvə dövləti arasında ikinci dünya savaşından sonra Avropada ən böyük müharibə fonunda birbaşa hərbi qarşıdurmaya təhrik edə bilər. Yaxın Şərqdə raketlərin vurulması isə "nüvə" rəqibi ilə münaqişəyə təhrik etməyəcək.
"Ukraynanın sıravi vətəndaşı kimi bütün bunları sezmək kədərlidir, Moskva tərəfindən eskalasiyaya yol verilməməsi barədə razılaşmaqla sənin ölkən və vətəndaşların qurban verilir", - bunu Ukrayna Strateji Təqdiqatlar İnstitutunun elmi əməkdaşı Nikolay Beleskov deyib.
Eyni zamanda Ukrayna HHM-in iki zabiti anonimlik şərtilə etiraf edib ki, İsrail üzərində raketləri vurmaq Ukrayna üzərində vurmaqdan daha asandır. Bu kiçik ölkə və Birləşmiş Ştatlar özünün raket əleyhinə gəmi sistemlərindən istifadə edə bilər, amma sahəsi böyük olan Ukrayna Qərbin hərbi-dəniz qüvvələri üçün əlçatmazdır. Ölkəmizi müdafiə etmək üçün qərb sərhəddində HHM yerləşdirmək lazım idi, lakin bu, yalnız yanaşı əraziyə kömək edəcəkdi.
"Hava hücumundan müdafiədə iştirak edən NATO üzvləri qeyri-müəyyən nailiyyətlər naminə "müharibəyə daha çox cəlb edilmə riski ilə daha geniş əraziyə daha böyük tövhə verməli olacaq. Bunun dəyəri də daha çox olacaq, çünki Rusiyanın hücumları İranın İsrailə birbaşa zərbə endirmək cəhdlərinə nisbətən daha tez-tez baş verir", - bunu Böyük Britaniya Birləşmiş Qüvvələri Kral İnstitutunun hərbi elmlər üzrə direktoru Metyu Sevill izah edib.
"ABŞ Ukraynaya Rusiya ilə mübarizəsində kömək etmək üçün daha çoxunu edə bilər. Amma Rusiya ərazisinə Qərb silahları ilə zərbələr endirilməsi Rusiya ilə birbaşa qarşıdurmaya gətirib çıxara biləcəyi ilə bağlı az qala iflicedici qorxu mövcuddur", - bunu Vaşinqton Beyin Mərkəzinin Atlantik Şurasının direktor müavini Şelbi Maqid qeyd edib.
ABŞ rəsmi şəxsləri etiraf edib ki, onlar Ukraynanın getdikcə məyusluğundan xəbərdardır, lakin deyib ki, yeni silah tədarükü üzərində işləyir və bu, Kiyevin narahatlığını aradan qaldırmalıdır.
Ukraynanın Rusiya hücumlarından müdafiəsi
Xəbər verildiyi kimi, oktyabrın 14-ə keçən gecə İran İsrailə raket və kamikadze-dronlarla hücum edib. O zaman 185 dron, 36 qanadlı və 110 ballistik raket buraxılıb. Onların az qala 99 faizi ələ keçirilib, burada müttəfiqlər kömək edib.
Bu yaxınlarda Pentaqon spikerinin müavini Sabrina Sinqx bəyan edib ki, ABŞ Ukrayna yaxınlığında Rusiyanın raket və dronlarını vurmaq üçün orta mənzilli THAAD ələkeçirmə sistemlərini İsraildə müxtəlif öhdəliklərlə bağlı etdiyi kimi yerləşdirməyəcək.
