Dekabrın 8-də Suriyada qanlı Bəəs rejiminin devrilməsi və Bəşər Əsədin tələsik Rusiyaya qaçmasından sonra ABŞ nümayəndə heyəti ilk dəfə Dəməşqə səfər edib.
ABŞ dövlət katibinin müşavirinin Yaxın Şərq üzrə müavini Barbara Leafın rəhbərlik etdiyi nümayəndə heyəti Dəməşqə səfəri çərçivəsində Heyət Təhrir əş-Şam (HTŞ) rəsmiləri ilə görüşüb.
Görüşdən sonra verilən açıqlamada ABŞ-ın HTŞ lideri Məhəmməd Colaninin başına qoyduğu 10 milyon dollar pul mükafatının ləğv edildiyi bildirilib.
"Colani ilə hərtərəfli görüş keçirdik. İranın Suriyada heç bir rolu olmayacaq və olmamalıdır. Türkiyənin Suriyada böyük təsiri var" – deyə ABŞ Dövlət Departamentinin açıqlamasında bildirilir.
Dəməşqə səfərdən sonra yüksək rütbəli bir ABŞ rəsmisi Türkiyə rəsmiləri və Suriya Milli Ordusu ilə danışıqlar apardıqlarını və Kobani ətrafında atəşkəsin ən yaxşı yol olduğunu düşündüklərini deyib.
TAHİR
